Прокопьев Николай Иванович

Прокопьев Николай Иванович (1917 – 1979) – ахсынньы 18 күнүгэр 1917 сыллаахха Сыралта нэһилиэгэр төрөөбүт, Чкалов аатынан колхоз чилиэнэ, армияҕа 1942 сыл балаҕан ыйын 10 күнүгэр ыҥырыллыбыт. Рядовой саллаат, 21-с Армия 133-с СП Курскай уобаласка; 136-с СД 223-с СП Харьков туһаайыытынан сэриилэспитэ, кыргыһыыларга ылбыт араанньыларыттан 1942 сыл алтынньы ыйга 168-с ЭГ быһаарыытынан демобилизацияламмыта, ll группалаах инбэлиит буолан эргиллибитэ. “Германияны кыайыы иһин”, “1941-1945 с.с. Аҕа дойду Улуу сэриитигэр килбиэннээх үлэтин иһин” мэтээллэринэн наҕараадаламмыта. 1979 сыллаахха Чочуга олорон өлбүтэ. “1941 сыллаахха балаҕан ыйын 10
күнүгэр Бахымахтан Ильинов Григорий, Кондаков Егор, Васильев Алексей, Руфов Константин бэбиэскэ тутан Бүлүүгэ киирбиппит. Мальта диэн станцияҕа алтынньы ыйга дылы маҥнайгы байыаннай үөрэхтээһин, саллаат судургу, кытаанах олоҕун ааспыппыт. Онтон В. Алексей, К.Егор, Р. Константин, Томскай Н.С., Копырин П.П. буоламмыт Курскай уобаласка 21-с сэриилэһэр армия 133-с стрелковай полкатыгар түбэспиппит. Манна сэрии инники кирбиитигэр сылдьан, төбөбөр уонна атахпар
бааһыран Андреевскай уобаласка госпитальга ыытыллыбытым. Онтон үтүөрэн тахсан баран, 136-с стрелковай дивизия састаабыгар киирсэн, иккиһин Харьков туһаайыытыгар ыытыллыбытым. Ый кэриҥэ, бу дивизияҕа сылдьан илиибэр бааһыран Саратов госпиталыгар сыппытым. Доруобуйам мөлтөөн 1942 сыл алтынньытыгар дойдубар атаарыллыбытым. Билигин санаан көрдөххө, ытыллан-ыаһыран ынырык да ыйдар субай хааммын халытан, тарбахтарбын ичигэстээн ааспыт эбиттэр”. Николай Иванович олорбут олоҕун оҕолоро, сиэттэрэ салныыллар.

Распечатать