Абрамова Матрена Алексеевна

Абрамова Матрена Алексеевна 1921 сыллаахха Чурапчы оройуонун Тѳлѳй нэһилиэгэр тѳрѳѳбүтэ. Тѳрѳппүттэрэ эрдэ ѳлѳн, кыра оҕо сааһыттан тулаайах оҕо эрэйин- муҥун саннытыгар сүгэн кэлбит. 1938 сыллаахтан. «Тѳрүт» колхоз араас үлэтигэр үлэлээбит.
1942 сыл атырдьах ыйыгар Чурапчы оройуонун 41 колхозтарын Хоту Кэбээйи, Эдьигээн, Булуҥ оройуоннарыгар балык бултааһыныгар ыыппыттар. Олор истэригэр «Тѳрүт» колхоз Кэбээйи оройуонугар барар буолбут.
Атырдьах ыйыттан айаннаан, балаҕан ыйын ортотун диэки II Сииттэҕэ кэлбиттэр. Бастаан мас кэрдэн, хотон, дьиэ туттуутун саҕалаабыттар. Алтынньы ыйтан хос эбээм балык бултааһыныгар сылдьыбыт.
1944 с.Чурапчы колхозтарын бэлэмэ суох хоту оройуоннарга ыыталааһын сыыһата дакаастанан тѳттѳрү атын оройуоннарга кѳһѳрүү саҕаламмыт.
Мин эбээм «Тѳрүт» колхоһа I Хомустаах нэһилиэгигэр «Жданов» колхозка кэлбит. Онтон ыла бу нэһилиэк иккис тѳрѳѳбүт дойдута буолан манна олохсуйбут. Бастаан ыанньыксытынан онтон кэлин «Нам» совхозка ньирэй кѳрѳѳччүнэн үлэлээн пенсияҕа тахсыбыт.
Эбээм Матрена Алексеевна оҕо эрдэҕиттэн үлэлээбит үлэтэ, ситиһиитэ правительствонан үрдүктүк сыаналаммыта:
1.1941-1945 сс.-«Үлэҕэ килбиэнин иһин» медаль, Аҕа дойду сэриитигэр туйгун үлэтин иһин.
2.1970 сыллаахха- В.И. Ленин тѳрѳѳбүтэ 100 сылынан «Үлэҕэ килбиэнин иһин» юбилейнай медаль.
3.1968 сыллаахха- НХСБ кыттыылааҕа диэн свидетельство.
4. «Социальнай куоталаһыы кыайыылааҕа» диэн значок.
5.1973 сыллаахха- «Бочуот знага» орден.
6.Хас даҕаны «Коммунистическай үлэ ударнига» диэн значоктар.
7.Аҕа дойду улуу сэриитин бэлиэтиир юбилейнай медаллар.
8. Элбэх ахсааннаах бочуотунай грамоталар.

Распечатать