АВТОМАТЧИК ЭТИМ
Мин, 1942 с от ыйыгар армияҕа ыҥырыллыбытым Бэрдьигэстээххэ мустан ыҥыыр атынан куоракка киирбиппит. Дьокуускайтан борокуотунан Усть-Кутка, онтон Ангаранан устан, от ыйын бүтүүтэ чааспытыгар тиийбиппит. Онно 589-с стрелковай полкаҕа стрелогунан анаммытым. Манна байыаннай бэлэмнэниигэ. эемлянка тутуутугар сылдьыбытым. Түүн 5-6 км. сиртэн бэрэбинэни сүгэн киллэрэр этибит. 1943 с. Монголияҕа 241-с бронебойнай батальоҥҥа радист- пулеметчик быһыытынан сылдьыбытым. Ыам ыйыгар миигин 293-с стрелковай механизирооаннай полкаҕа ыыппыттара. Автоматчигынан анаммытым. Ити полкаҕа 3,5 сыл сулууспалаабытым. Полкабыт Томсак- булак диэн сиргэ турбута. Оттүкка сүөһү ноһуомун хомуйарбыт. Күн аайы ытыыга, атаакаҕа киирэрбит. 1945 с. атырдьах ыйыгар Кытай кыраныыссатын туораабыппыт. Уу булан испэккэ, хас да суукка сылдьарбыт. Холуодьастар дьааттаахтар диэн харабыллатар этилэр. Тохтобулга кумаҕы хаһан, сииктээх таҥаска суулаан оборо сатыырбыт. Атырдьах ыйыгар Япония хотторбута. Балтараа ый куорат харабылыгар, бирикээс кэллэҕинэ, суөһу хомуйуутугар сылдьарбыт. Ону арҕаа ыыталлара. 1946 с. кэлиэхпэр диэри Амурскай уобаласка сулууспалаабытым. 1947 с. бэс ыйыгар эргиллэн кэлбитим.
Трофим Петрович НОГОВИЦЫН.
“Бойобуой утүөлэрин иһин” мэтээлинэн, Аҕа дойду сэриитин 2-с степеннээх уордьанынан наҕараадаламмыт.
Кэнники Холкуос суоппарынан, таба иитиитинэн, арыы сыаҕар моториһынан үлэлээбит.
Распечатать