Иванова Татьяна Дмитриевна

Иванова Татьяна Дмитриевна, 1912 сыллаах төрүөх, Ньурба оройуонун 2-с Хаҥалас нэhилиэгэр Аллара Yрэҥҥэ, элбэх оҕолоох ыалга төрөөбүтэ.
Оскуолаҕа саҥа үөрэнэн истэҕинэ ийэлэрэ улаханнык ыалдьан үөрэҕиттэн уурайан хаалбыта. Кыра сааhыттан
сайын Эриэнинэн, Накыйынан; кыhын Үрэнинэн сүөһү көрүүтүгэр, дьиэ ис тас үлэтигэр, сайынын оттоhон улааппыта. “Одьулуун”, “Буденнай” колхозтарга субай сүөһү көрүүтүгэр үлэлээн; үүт эрийэн; суорат оҥорон отчуттарга, үлэhиттэргэ таhара.
Улаатан, сааhын ситэн баран кэргэн тахсан 1-кы оҕотун 1941 с. оҕоломмута. Кэргэнэ атын дьахтарга иирэн арахсыбыттара, кыыhа 12 сааhыгар саҥа күнү көрөн иhэн, корь ыарыытыгар ыараханнык ыалдьан, сыыстаран элбүтэ. Олоҕор улахан оҕустарыыны ылан, ыараханнык ыалдьан, балыыhа киhитэ буола сылдьыбыта. Балыыhаттан тахсан баран эмиэ дьонун кытта Кырыыкаанынан, Арыылааҕынан көһө сылдьан, субай сүөһү көрүүтүгэр үлэлээбитэ. Кэлин 1959с. убайа, сэрии бэтэрээнэ Иванов Василий Дмитриевич Маарга дьиэ туттан, онно көһөн киирэн сүөһү ииттэн олорбуттара. Биhигини кыра балтыларын оҕолорун атахтарыгар туруорбуттара.1948 сыллаахха “За доблестный труд в Великой Отечественной Войне 1941-1945г.г.”, кэлин мэтээллэринэн араас элбэх грамоталарынан нагараадаламмыта.
2006 сыллаахха 94 сааhыгар эдьийим Иванова Татьяна Дмитриевна ыалдьан күн сириттэн аттаммыта.
Кыайыы 75 сылыгар киэн туттан туран мин дьонум бэйэлэрин олохторун толук ууран сэмэй кыайыылаах үлэлэринэн Кыайыыны уhансыбыттара диэн киэн туттабын!
Ахтыыны суруйда балтын кыыhа Иванова Раиса Васильевна.

Распечатать