Слепцов Иннокентий Иннокентьевич

Мин хос эһэм Слепцов Иннокентий Иннокентьевич икки улуу ѳрүс Лена уонна Алдан икки ардыгар турар, кэрэ айыл5алаах Арбын нэһилиэгэр, 1924 сыллаахха бала5ан ыйын 15 күнүгэр тѳрѳѳбүтэ. Сэрии иннигэр Хатырык оскуолатын 7 кылааһын бүтэрбитэ. Саӊа олоххо үѳрэ-кѳтѳ үлэлии сырыттахтарына биһиги Ийэ дойдубутугар Гитлеровскай Германия сэриинэн саба түспүтэ.
Эһэм 1943 сыллаахха бэс ыйын 17 күнүгэр сэриигэ бэбиэскэ тутан Чита уобалаһыгар
210 – с дивизия 582 стрелковай полкатыгар тиийэр. Кини бэргэнник ытар дьо5урдаа5ын таба кѳрѳн, 644 стрелковай полка5а снайпердар роталарыгар снайперынан ылбыттара. Бу сэриигэ эһээм бииргэ тѳрѳѳбүтэ Слепцов Гаврил Иннокентьевич ата5ын буулдьа то5о тэбэн аӊар ата5а суох бааһыран кэлбит. Эһэм 1945 сыллаахха бэс ыйын 25 күнүгэр диэри снайперынан сылдьыбыта. Ол кэнниттэн Монголия5а, Кытайга 1945 сыллаахха Японскай милитаристары утары сэриигэ пулеметчигынан кыттыыны ылбыта. Уһун 4 сылы быһа сэриигэ сылдьыбыт саха хорсун саллаата 1947 сыллаахха муус устар ыйга тѳрѳѳбүт дойдутугар эргиллэн кэлбитэ.
Сэрииттэн кэлээт тѳрѳѳбүт колхоһугар үлэлиир. Хас күн ахсын от охсуутугар 2-лии гектар сири охсон бар дьону сѳхтѳрбүтэ, билигин да уос номо5уттан түспэт. Кини от охсорго бэйэтэ оту кэбиһэр Исаков диэн агрегаты оӊорбута, Республика тыатын хаһаайыстыбатыгар улахан ѳӊѳнү оӊорбута. Нэһилиэккэ уот дизелин станциятын аан бастаан кини үлэлэппитэ. Ойбонтон ууну носуоһунан оботторон хотон иһигэр емкостька куттарыыны оройуоӊӊа бастакынан олохтообута. Токарь, сварщик буолан ититэр система5а, техника5а маастар этэ. Уу мотуорун оӊочотуттан са5алаан баржаны соһор катерга моториһынан оло5ун тиһэх күнүгэр диэри үлэлээбитэ. Маны таһынан кини нэһилиэк музыканынан биллэрэ. Мин эһэм дэгиттэр талааннаах, мындыр сүрэхтээх киһи этэ.
1973 сыллаахха үлэ кыһыл знамята орденынан на5араадаламмыта. Оттон сэриигэ кыттыбытын 8 мэтээл кэрэһэлиир. Биһиги дьоллоохтук олорорбут туһугар эһэм элбэх сыратын биэрбитэ. Билигин Арбын нэһилиэгэр киин уулусса мин эһэм аатын сүгэр. Ити уулусса5а кини оло5ун тухары үлэлээбит катера памятник буолан турар. Мин эһэм Иннокентий Иннокентьевич эйэлээх оло5у уһансыбыта. Мин эһэбинэн киэн туттабын.
Сиэнэ Алеша Сыромятников ахтыытыттан.

Распечатать