Никонов Василий Афанасьевич – 1

Уроженец Намцы Меитско-Татаканского наслега, призван в июне 1942 года. Рядовой в/ч 140. Погиб в марте 1943 года. До призыва работал председателем колхоза «Красный партизан». Место гибели и захоронения не установлено.
«А5ам, Иван Афанасьевич бииргэ тереебут убайа буолар. Сэриигэ иккис хомуурга түбэспит. Сэрии ыраах буолан, бүгүн-сарсын төннүөхпүт диэбит курдук, түргэн баҕайытык хомуна охсон бараллар. Ыраах тайҕаҕа бултуу барардыы…
Мобилизацияланыан иннинэ Намҥа «Кыһыл бартыһаан» колхозка председателлээ-
бит. Киэҥ билиилээх, кыайыгас-хотугас, бастыҥ уол этэ. Аҥар кулгааҕа кыра-
тык истибэт буолан, дьиэтигэр арыт Дөйүмээн диэн таптаан ыҥыраллара. Колхозка Хас-
хатыыр Баһылай диэн аатынан биллэрэ. Балта кэпсииринэн, үлэтиттэн кэлээт ойуурга
ыстанар эбит. Кэлин өйдөөбүтэ, онно сугун сии тахсар үhү. Председатель буолан сэриигэ
ыыппаттарын, көрдөһөн, тылланан туран барбыт.
Авторитеттаах, киэҥ өйдөөх-санаалаах хорсун киһи 22 эрэ сааһыгар сэриигэ
охтубут. Сурук суруйара, олор сүппүттэр. Ийэтигэр пенсия анатаары хомуйан ылбыттар
да, сонон сүппүттэр. «Олус утатабыт, ото-маһа суох сиринэн баран иһэбит. Итииргээн
ноһобуой былаатынан көлөһүммүтүн соттубуппутунан айахпытын сиигирдэбит», – диэн
суруйбута баар. Ол, баҕар, айаннаан иһэн суруйбута буолуо.
Өлбүтүн туһунан хара суругу ийэтигэр харыстаан эппэтэхтэр. Ийэтигэр ону кыра
кыыһа этэн биэрбит. Уонна сурук күүтэ сылдьар киһи сүрэҕинэн таайбыт, дьонун да
сирэйдэриттэн-харахтарыттан биллэҕэ. Уолун харыстаан дуу, арааран дуу иһирэхтик
«барбыт Баһылайым» диэхтиирэ үһү. Туой барбыт Байылайым маннык диэбитэ, маннык
үлэлээбитэ диэн ахтара үһү.
Василий Афанасьевич I кэргэннэммэтэх, онон кини аатын ааттатар ыччат суох.
Урукку дьон тоҕо эрэ эрдэ кэргэннэммэт эбиттэр. Баҕар, сэрии буолуон бүтэйдии таа-
йан, олох оҥостуна сатаабатахтара ини. Билсэр кыыстаах эбит. Кини көмүллүбүт сирэ
билигин да биллэ илик, охтубут кэмин көрдөххө Ильмень күөлгэ олоҕун былдьаппыт
буолуон сөп.
Дьоно: ийэтэ, аҕата, бырааттара бары – убайдарын олус иһирэхтик ахталлара. Киэн
туттар киһилэрэ этэ».

Распечатать