Томскай Николай Семёнович (1917-1995) – Кыадаҥда нэһилиэгэр Халгыйга 1917 сыллаахха төрөөбүт, “1 Маай” колхоз чилиэнэ, армияҕа 1941 сыл балаҕан ыйыгар ыҥырыллыбыт, 458-с СП рядовой саллаата, Харьков аннынааҕы кыргыһыыга 21-с Армия, 81-с СД 53-с СП сылдьан ылбыт араанньытынан 1942 сыллаахха демобилизацияламмыт. 1943 сыллаахха иккиһин армияҕа ыҥырыллан Забайкальскай байыаннай уокурукка үлэҕэ сулууспалаабыт. Сытыы-хотуу, кэпсэтиилээх, киириилээх-тахсыылаах буолан, иккис сырыытыгар үлэ фронугар тиийэн бииргэ төрөөбүт быраатын Байбалы доруобуйатын туруга мөлтөөбүтүн, кэпсэтэн, дойдутугар ыыталларын ситиспитэ.1944 сыллаахха, демобилизацияламмыт. “Хорсунун иһин”, “Германияны Кыайыы иһин”, “1941-1945 с.с. Аҕа дойду Улуу сэриитигэр килбиэннээх үлэтин иһин” мэтээллэринэн наҕараадаламмыта. 1996 сыллаахха Бүлүү куоратыгар олорон өлбүтэ. Сэрии кэнниттэн ОСОАВИАХИМ оройуонунааҕы Советын прелседателинэн 10 сыл үлэлээбитэ, нэһилиэнньэни байыаннай-патриотическай иитиигэ, ыччаттары армияҕа сулууспалааһыҥҥа бэлэмнииргэ араас өрүттээх үлэни ыыппыта. 1959 сылтан 1970 сылна пенсияҕа тахсыар диэри Бүлүүтээҕи тутуу учаастагар – көһө сылдьар механизированнай колоннаҕа рабочайдаабыта. Бастаан болуотунньугунан, онтон пилорамаҕа үлэлээн, Бүлүү үгүс олорор дьиэлэри, тэрилтэлэр, оскуолаолар дьиэлэрин тутуспута. Хорсун буойун, хоһуун үлэһит Николай Семёнович Томскай олоҕун элбэх ыччаттара салгыыллар.
Томскай Николай Семёнович
Нашли ошибку? Просим написать нам: nvk-online@mail.ru с указанием ссылки.