Васильев Алексей Алексеевич

Васильев Алексей Алексеевич (1918-1943) – Сыралта нэһилиэгэр Туойдаах диэн сиргэ 1918 сыллаахха төрөөбүт, баартыйата суох, начаалынай кылаас үөрэхтээх. Сэбиэт бэрэссэдээтэлинэн үлэлии сылдьан армияҕа 1941 сыл балаҕан ыйын 1 күнүгэр Бүлүү РБК ыҥырыллыбыт. Сэриигэ ылбыт бааһырыытыттан 1943 сыл тохсунньу 27 кнүгэр 1571 N-дээх эвакуационнай госпитальга өлбүт, көмүллүбүт сирэ биллибэт.
Прокопьев Николай Иванович суруйарынан, Сыралталар5 буолан бииргэ сэриигэ аттаммыттар. Онно сурулларынан Алексей Алексеевич 21-с Армияҕа 133-с СП кэккэтигэр биир дойдулаахтарын – Сыралталар Кондаков Е.П., Прокопьев Н.И., Руфов С.С., Кыадаҥда уола Томскай Н.С. кытары Курскай уобаласка сэриилэспит.
Хорсун буойун Алексей Алексеевич аата үйэлэргэ ааттана турдун.

Распечатать