Васильев Савва Васильевич

Васильев Савва Васильевич (1903-1943) – l Чочу нэһилиэгэр “Алаас” диэн сиргэ төрөөбүт, баартыйата суох, кыра үөрэхтээх. Каганович аатынан колхоз чилиэнэ, армияҕа 1941 сыл балаҕан ыйыгар барбыт, 247-с СД 920-с СП рядовой стрелогунан сэриилэспит. 1943 сыл олунньу 26 күнүгэр сэриилэһэ сылдьан охтубут. Орёл уобалаһын Жиздринскэй оройуонун Палики дэриэбинэтиттэн 300
м кэриҥэ соҕуруулуу-илин бырааттыы көмүүгэ хараллан сытар.
Егоров Иннокентий Фёдорович ахтыыта: “Васильев Савва
Васильевич Чочуга “Алаас” диэн сиргэ төрөөбүт. Кини колхозка 1937 сыллаахха киирбитэ, онтон ыла хара үлэ арааһыгар үлэлээбитэ, уһун бириэмэҕэ сылгыһытынан үлэлээбитэ. Бу үлэтигэр үчүгэйин иһин “Сатабыл Саабыс” аата иҥэриллибитэ. Онтон 1941 сыллаахха Аҕа дойду сэриитигэр ыҥырыллан барбыта. Онтон эргиллибэтэҕэ”.
Буойун Савва Васильевич Васильев, төһө да сэрииттэн эргиллэн кэлбэтэҕин иһин, олоҕо кини сиэннэринэн, хос сиэннэринэн салҕанар.

Распечатать