Попов Петр Кононович

Петр Кононович Баатара нэьилиэгин Хоргуула алааһыгар 1912 сыллаахха төрөөбүтэ.
1941 сыл от ыйын 22 күнүгэр бастакы ыҥырыыга бэбиэскэ туппута. Чита уобалаһыгар балтараа сыл байыаннай үөрэххэ үөрэммитэ.
1942 – 1945 с.с. Арҕаа фронна Режицкэйдээги гвардейскай стрелковай дивизия 14 –с гвардейскай полкатын 7 –с ротатыгар ручной пулеметчигынан сылдьар. 1943 сыл Европаны босхолуур II Прибалтийскай фронт 10 –с гвардейскай армиятын састаабыгар киирэр. Үс төгүл бааһырбыта. 1945 с.ыам ыйын 9 күнүн кэнниттэн, Кыайыыны Украина Львов куоратыгар младшай сержант, стрелковай отделение командира званиелаах, пулеметчик идэлээх түмүктээбит. 1946 сыллаахха эргиллэн кэлэн, уһун сылларга колхозка, совхозка үтүө суобастаахтык сүөһү көрүүтүгэр, сүөһү эбии аһылыгын гидропон күөх үүнээйитин үүннэриигэ үлэлээбитэ.
Нагараадалара: 1. «Албан аат III степенин ордена
2. «Хорсунун иһин» икки төгүл медаллаах
3. «Германияны кыайыы иһин» медаль
4. «Ворошиловский стрелок» бэлиэ
5. «Фронтовик» бэлиэ
6. 1957, 1965 с.с. «Саха АССР Үрдүкү Сэбиэтин Бочуотунай Грамоталарынан наҕараадаламмыта
7. Юбилейнай медаллар.

Распечатать