Карманилова Дария Павловна

Карманилова Дария Павловна 1927 сыллаахха ыам ыйын 9 күнүгэр Курбуһах нэһилиэгин Балаҕаннаах бөһүөлэгин Саппыйа диэн кыра алааһыгар 4 оҕолоох ыалга 3 оҕонон күн сирин көрбүтэ.
Сэрии ыал сылларыгар төрөппүттэрэ эрдэ өлөн, сут-сутурҕан, аччыктааһын диэни билбитинэн барбыттара. 9 сааһыттан дьоҥҥо оҕус сиэтэн, бурдук тардыһан үлэлиирэ.
1943 сыллахтан колхоз араас үлэтигэр тэҥҥэ ылсыһан барбыта. 1949 сылга диэри колкозка ыанньыксыттаабыта.
1957 сыллаахха сэрии кыттыылааҕа Местников Петр Ивановичтыын ыал буолан, 7 оҕоломмуттара.
1966 сыллаахха РАЙПОҕа 17 сыл устата үтүө суобастаахтык үлэлээн, пенсияҕа тахсыбыта. Пенсияҕа да тахсан баран, үлэттэн илиитин араарбатаҕа. Оскуолаҕа хас да сыл охраннигынан үлэлээбитэ.
Кини олоҕун, үлэтин туоһулуур “50 лет Победы в ВОВ 1941-45 гг”, “За доблестный труд в ВОВ 1941-1945 гг”, “Ветеран труда”, “Медаль материнства I степени”, “Медаль материнства II степени”, “Материнская Слава III степени” мэтээллэринэн наҕараадаламмыта.
1997 сыллаахха олунньу ыйга ыарахан ыарыыттан күн сириттэн барбыта. Кини сырдык мөссүөнүн, олоҕун остуоруйатын 7 оҕото,
21 сиэнэ, 15 хос сиэннэрэ сүрэхтэригэр иҥэрэн, олоҕун салҕыыллар.

Распечатать