Биһиги эһэбит, Кузьмин Федор Иванович, 1897 сыллаах төрүөх, сэрии сылларыгар Куочайтан “Коммунар” холкуостан Тиксиигэ үлэ фронугар ыҥырыллыбыта.
Оҕо сырыттахпына куруук «бухта Тиксии» диэн тугу эрэ кэпсиир буолара да өйдөөбөппүн.
Кэлин биллибитинэн, 29.06.1944 с. иккистээн ыҥырыллыбыт эбит, 14 зсп, рядовой, стрелок эбит. Бу туһунан биһиги олох билбэт эбиппит.
Эһэбит Кузьмин Федор Иванович олох кырдьыар диэри Ньурба совхозка Киин отделениеҕа үлэлээбитэ, бэйэлэрэ кырдьаҕастар биригээдэлэрин тэринэн сайыны супту от оттуулларын үчүгэйдик өйдүүбүн. Табаарыстара таптаан кинини “Аппыһыар” диэн ааттыыллара. Чахчы даҕаны көбүс көнө уҥуохтаах, хромовай саппыкылаах, кыраһыабай, бааһынай ити аатыгар толору барсар этэ.
Эһэбит Кузьмин Федор Иванович 1981 сыл сайыныгар олохтон барбыта. Хара өлүөр дылы ийэбитигэр хотоҥҥо көмөлөһөрө, мас мастаһара, дьиэ ис-тас үлэтигэр тэҥҥэ сылдьыһара.
Сиэнэ Семенова Татьяна Федоровна, Дьокуускай куорат.
Награды. Подразделение где служил, воспоминания и биография.
Распечатать